لاہور (نیوز ڈیسک ) اینکر پرسن عمران ریاض خان نے دوبارہ ایکسپریس نیوز سے اپنا پروگرام “تکرار” شروع کردیا۔ اپنے پہلے پروگرام میں انہوں نے ناظرین کو ان الفاظ میں خوش آمدید کہا “آپ تکرار پروگرام دیکھ رہے
ہیں اور میں عمران خان ہوں۔”اینکر پرسن نے وضاحت کرتے ہوئے کہا کہ انہوں نے کافی عرصے کے بعد یہ جملہ بولا ہے کیونکہ انہوں نے عام انتخابات کے بعد ایکسپریس نیوز سے یہ پروگرام چھوڑ دیا تھا، جو میری
رائے جاننا چاہتے ہیں وہ سوشل میڈیا پر ملے گا، وہاں میں بہت کھل کر بات کرتا ہوں، ٹی وی پروگرام میں مختلف قسم کے لوگ ہوتے ہیں جن کی اپنی اپنی رائے ہوتی ہے، ہم ان کی رائے لوگوں کے سامنے رکھنے کی کوشش
کرتے ہیں، کئی لوگ خود کو اور کئی دوسروں کو ایکسپوژ کرکے جاتے ہیں۔ کئی لوگوں کو ہم کوشش کرتے ہیں کہ ایکسپوژ کردیں اور کئی لوگ الٹا ہمیں ایکسپوژ کرجاتے ہیں، یہ ایسا ہی چلتا ہے اور چلتا رہے گا۔انہوں نے کہا
کہ انہوں نے ایک بریک کے بعد دوبارہ ایکسپریس کے ساتھ اپنے سفر کا آغاز کیا ہے ، جب یہ چینل لانچ ہوا تو انہوں نے ٹرینی رپورٹر کے طور پر اس میں کام شروع کیا، 2007 سے یہ کہانی شروع ہوئی ، گزشتہ کچھ عرصے کے دوران انہوں نے ایک بریک لیا۔ اس وقفے میں
دیگر میڈیا چینلز نے بھی کہا کہ ہمیں جوائن کریں لیکن ایکسپریس میرا گھر ہے جہاں میرے پرانے دوست ہیں۔ پہلے دن سے آج تک ان کی وہی ٹیم ہے، 15 سال گزرنے کے باوجود ہم نے ایک دوسرے کو نہیں چھوڑا، ہمارا تعلق فیملی سے بڑھ کر ہے۔